د افغانستان لوی څارنوال فرید حمیدی په مشرۍ د لویې څارنوالۍ عالی شورا جوړه شوه
د افغانستان اسلامی جمهوری دولت لوی څارنوال ښاغلی محمدفرید حمیدی په مشرۍ د لویې څارنوالی عالی شورا د روان کال په د وری د میاشتی په ۲۲ مه نیټه جوړه شوه چې په کې مرستیالان او ددی اداری رییسانو ګډون کړی وو. په دی ناسته کې د لویې څارنوالۍ چارواکو په ولسی جرګه کې د خلکو استازو باور رايې له کبله مننه او قدرداني وکړه. او ښاغلی محمدفرید حمیدی د تحقیق په چارو کې د لویې څارنوالۍ مرستیال او ددی اداری پخوانی سرپرست څارنپوه نورحبیب جلال د سرپرستۍ په موده کې د ترسره شوو کړنو د څیړنو په برخه کی مننه وکړه.
سربیره پر دې، په غونډه کې پر نورو مهمو مسايلو هم خبرې وشوې، او د څارنوالۍ د اجراآتو چټکتیا لپاره د تخنیکي وسایلو برابرول د اجنډا مهم ټکي وو چي بحث لاندې ونیول شول. عالي شوری اداري ریاست ته دنده وسپارله چې ژر تر ژره د ولایتونو استیناف څارنوالیو ته " فکس" ماشین برابر او هغوي په واک کې ورکړل شي. د دې ماشینونو څخه به د راپورونو او معلومات په تر لاسه کولو کې کار واخیستل شي.
په دي ناسته کی بله مهمه موضوع د لویې څارنوالۍ د کارکوونکو معاشونو زياتوالی وو، چي بحث پرې وشو. دا همغه موضوع ده چې ښاغلي محمد فرید "حمیدي" تیره ورځ په ملي شورا کې د خپل کاري پروګرامونو په بیانولو کې څرګنده کړه. ټاکل شوې ده چې دا پلان به ولسشمر ته وړاندي شي.
د نورو مهمو موضوعاتو سربیره، د کارکوونکو خوندیتوب د غونډې بله مهمه موضوع وه. ښاغلي محمد فريد حميدي وویل چې د کارکوونکو خوندیتوب د دولت اصلی دنده ده. دوی باور لري چې اداره مکلفه ده چې د خپلو کارکوونکو خوندیتوب ته جدي توجه وکړي.
له همدې امله، د لویې څارنوالۍ عالي شورا، د هغه زلزلې چې څه موده مخکی شوي وه د زیان ارزونې لپاره د بېلابېلو وزارتونو متخصصینو، انجنيرانو اود کابل پوهنتون د پوهنځيو استادانو ته په عالي شورا کې بلنه ورکړي وه. عالي شورا، اداري ریاست ته دنده ورکړه چې د لویې څارنوالۍ ودانۍ د کتنې او سروې لپاره یو هیأت وټاکي ، چې خپل راپور راتلونکې غونډې ته وړاندي کړي.
"
