محمد فرید "حمیدي": "باکیفیته خوراکي توکو ته لاسرسی د ښاریانو حقوقو څخه دي"
ښاغلي حمیدي د عالي شورا په ناسته کې چې د افغانستان اسلامي جمهوریت لوی څارنوالۍ د معاونینو او رییسانو په ګډون د یکشنبې پر ورځ غوي په ۱۲ نیټه جوړه شوې وه، وویل: با کیفیته خوراکي توکو ته لاسرسی د ښاریانو حقوقو څخه دي.
د دغې ناستې یو له مهمو موضوعاتو څخه د "بورې" اووه کچوړو په هکله د تدقیق او مطالعاتو ریاست وړاندیز و چې د مصرفولو وروستۍ نیټه یې تیره شوې وه. د بورې دغه کڅوړي څه موده وړاندې د ختیځ سرحد له لارې هرات ته واردې شوې دي.
د لویې څارنوالۍ عالي شورا پریکړه وکړه څو ټول هغه کسان چې د دغو کڅوړو واردولو کې لاس لري، تر جدي تعقیب لاندې راوستل شي.
محمد فرید حمیدی پدې هکله وویل: "لویه څارنوالي مسؤلیت لري ترڅو عامه حقوق حفظ کړي. باکیفیته خوراکي توکو او دواګانو ته لاسرسی د ښاریانو حق دی."
د لویې څارنوالۍ عالي شورا پریکړه وکړه چې ګمرکاتو او عامې روغتیا وزارت ته هدایت ورکړل شي څو د دواګانو او خوراکي توکو د وروستي مصرف نیتې ته جدي پاملرنه وکړي.
د لویې څارنوالۍ عالي شورا پریکړې له مخې، وارداتو په وخت کې د خوراکي توکو او دواګانو مصرفولو نیټه باید د ګمرکاتو لپاره اصلي معیار وي.
که چیرې د توکو مصرفولو نیټه تیره شوې وي، ګمرک او د عامې روغتیا وزارت حق نلري څو دغه شان توکي د کیفیت تثبیتولو دپاره لابراتوار ته واستوي.
همداراز، د عالي شورا پدغه ناسته کې، ګډونوالو د سمیع الدین "رهین"، د هرات استنیناف څانوالۍ پخواني رییس روح ته دعا وکړه. ښاغلی رهین تیره اوونۍ د یو غلچکي برید له کبله هرات ولایت کې شهید شو. په همدې حال کې د لویې څارنوالۍ عالي شورا یو ځل بیا د جمهوري ریاست مقام او امنیتي ادارو څخه غوښتنه وکړه چې د څارنوالانو امنیت خوندي کولو ته لا ډیره توجه وکړي.
"
