د لویې څارنوالۍ عالی شورا غونډه جوړه شوه
د لوی څارنوالۍ عالي شورا غونډه د افغانستان لوی څارنوال، څارنپوه محمد فرید حمیدي تر مشری ترسره شوه. دغه غونډه نن یکشنبه د کب په ۲۲ د لوی څارنوالۍ معاونانو، عالي شورا غړو او د ولایاتو ځیني استیناف رئیسانو به ګډون ترسره شوه. دغه غونډه په خاصه توګه د مالي او اداري ستونزو حلولو په موخه ترسره شوه.
څارنپوه محمد فرید حمیدي د دغې غونډې موخه د بودیجې سم او اغیزمن لګول وباله او وویل: "کومه بودیجه چې زموږ په واک کې دی باید زموږ په کاری اندول کې د سرعت او کیفیت راوړلو کې مرسته وکړي. په عین حال کې، زموږ همکاران په مرکز او ولایاتو کې باید تخنیکي مرستې ترلاسه کړي."
د لوی څارنوال په وینا، په نیږدې راتلوونکي کې به د بودیجې کمیټه د مالی او اداری معاون تر نظر لاندې جوړه شي څو په لوی څارنوالۍ کې د بودیجې سم لګښت څخه څارنه او کنټرول ترسره کړي.
وحیدالدین ارغون د لوی څارنوالۍ مالی او اداری معاون په روان کال کې دی ادارې دپاره د کافی بودیجې شتون نه مو خبروي. د هغه په وینا، دفتری تجهیزاتو او استیناف څارنوالیو ودانیو ودانولو دپاره د بودیجې په بیلابیلو کوډونو کې کافی بودیجه شته. هغه زیاته کړه: "ّپه راتلوونکي کال کې د کاپیسا، لغمان، خوست، نورستان او دایکندی ولایتونو استیناف څارنوالۍ ودانۍ به په خپلواک ډول جوړ شي."
لوی څارنوالۍ کې د عامه پوهاوي په هکله شاه محمد خپلواک، د اطلاعاتو او عامه اړیکو رئیس خبرې وکړې. د هغه په باور، ازادو سیالیو له لارې د حرفوی کسانو ګمارنه کولای شي پر دې پروسې لازیات اغیز وکړي. هغه په دوام کې زیاته کړه:"د اطلاعاتو او عامه اړیکو ریاست د جرایدو او مجلو چاپ او خپرونې تر څنګ د عامه پوهاوي پروګرامونه هم لري. عامه پوهاوي دپاره د یوې ځانګړې بودیجې شتون کولای شي موږ سره پدې برخه کې مرسته وکړي."
په عین حال کې د تشکیل زیاتوالی، دفتری تجهیزات، ودانیو جوړول، حرفوی کسانو ګمارنه او د لوی څارنوالۍ کارکوونکو دپاره امنیتی تدابیر تر لاس لاندې نیول، د مرکزی رئیسانو او ځیني استیناف څارنوالیو رئیسانو له خوا مطرح شو.
