د خبریالانو پروړاندې تاوتریخوالی د بیان د آزادۍ په لار کې ستر خنډ دی

جمشید رسولی د لوی څارنوالي ویاند خبریالانو پر وړاندي  د تاوتریخوالي موضوع په یوه خبري غونډه کې بیان کړه.

دا کنفرانس د حکومت د رسنيو په مرکز کې د دوشنبيې  په ورځ د وری میاشتي په ۱۱ مه نیټه پېل شو.

دا غونډه د څیړنو کمیټې موندنو او خبريالانو پر وړاندې د تاوتريخوالي قضيو د څیړنې  په موخه جوړه شوه. یاده کمیټه خبریالانو پر وړاندې د تاوتریخوالي پلټنو، او همداراز، خبریالانو او حکومتي چارواکو حقونو دفاع لپاره جوړه شوې  وه.

لوی څارنوالي، ملی امنیت، د کورنیو چارو وزارت، د اطلاعاتو او فرهنګ وزارت استازي او د افغانستان د ژورنالستانو ټولنه د دې  کمیټې غړو څخه شمیرل کیږي.

نوموړي کمیټې  د خبریالانو 679 شکایتونه ارزولي. د دې  کمیټې  موندنو په پایله کې  د قتل 60 قضیې ، د ټپیانو 46 قضیې ، د وهلو او ټکولو 222 قضیې ، د غیر قانوني توقیف 86 قضیې ، د تښتونې 29 قضیې  او خبريالانو پر وړاندې د سپکاوي 238 موضوګانې  پیژندل شوي دي.

د لوی څارنوالۍ  ویاند ښاغلي رسولی په وینا، په ټولیزه توګه د 679 قضیو څخه 252 قضیې  د دلایلو پرته له پامه غورځول شوي دي. نوموړي زياته کړه: 401  قضیې  کشفي او امنيتي ادارو ته، 7 قضیې  لوی څارنوالي ته او څو نورې قضیې  سترې محکمې ته سپارل شوي دي.

د ښاغلي رسولي په باور، رسنۍ  د حکومت یوه څانګه ده. له دې کبله لوی څارنوالي خبریالانو پر وړاندې  د تاوتریخوالي قضیې په جدي او قانوني توګه تعقیبوي. لوی څارنوالي د قانون له مخې ژمن دی  چې په کلکه د خبریالانو حقونو څخه دفاع وکړي.