د ماشومانو سرغړونو ته د رسیدنې ځانګړې څارنوالۍ له خطر سره د مخامخو ماشومانو دفتر تر منځ ناسته وشوه

په دې ناسته کې، د ماشومانو د سرغړونو ته د رسېدنې ځانګړې څارنوالۍ رئیس محمد داود افضلي، د ابتداییه څارنوالۍ رئیس سید منیر حیدري، د څېړنې رئیس فریده برکي، له خطر سره د مخامخو ماشومانو دفتر مسؤولې زرمینې بهروز، د ځينو امنیتي حوزو مسؤولانو او او د یاد دفتر ځینو غړو ګډون کړی و.

دا ناسته د ۱۳۹۶ کال د سلواغې په ۲۹ د ماشومانو سرغړونو ته د رسېدنې ځانګړې څارنوالۍ په ریاست کې وشوه.

په دې ناسته کې، د ماشومانو د شخصیتي فورم اهمیت په دوسیه کې، د ستونزو پر هواري، په چټکۍ د اجراآتو کول او له ماشومانو څخه په ملاتړ خبرې وشوی. ګډونوالو پرېکړه وکړه، چې له خطر سره د مخامخو ماشومانو دفتر ټولنیز کارکونکي باید د ماشومانو شخصیتي فورم په سم ډول خانه پري کړي او ماشومانو ته د رسیدنې ځانګړې څارنوالۍ د څېړنو موظف څارنوال ته یې وسپاري.

هغو زیاته کړه، له خطر سره د مخامخو ماشومانو دفتر ټولنیز کارکوونکې دې د ماشومانو شخصیتي فورم د څېړنو په مرحله کې ډک کړي او له دوسیې سره دې د پولیسو په لاس څارنوالۍ ته ولېږي.

په دې ناسته کې پرېکړه وشوه چې، له خطر سره د مخامخو ماشومانو دفتر ټولنیز کارکوونکي دې ماشومانو سره د مصاحب په وخت کې د هغو د شکایت په اساس، د پولیسو یا هم نورو موظفو کسانو د شکنجې یا بدرفتارۍ له کبله، ژر تر ژره څارنوالۍ ته راپور ورکړي.