یو تن د اختلاس په تور په علني ډول محاکمه شو
د اداري فساد له لویو جرمونو سره د مبارزې عدلي او قضایي مرکز ابتدایي محکمې، شېراقا د عثمان زوی د اختلاس په تور د ۱۳۹۷ کال د تلې پر لومړۍ په علني ډول محاکمه کړ.
د دغې ناستې قضایي پلاوي، نوموړی تورن د امید بهار شرکت څخه د ۶۰۱ زره او ۱۲۷ ډالرو د اختلاس په تور د جزا کود د ۳۹۳ مادې په رعایتولو د ۳۹۲ مادې پنځمې فقرې او ۳۹۸ مادې لومړۍ فقرې له مخې په لس کاله تنفیذي بند محکوم کړ.
دا په داسې حال کې ده، چې د دغه مرکز ابتدایي محکمې، نوموړی تورن په همدې جرم په لس کاله تنفیذي بند او د پېسو څښتن ته د اختلاس شویو پېسو په سپارنه محکوم کړی و.
د یادې شوې قضایي ناستې رئیس وویل، چې دا وروستۍ پرېکړه نه ده، تورن د نارضایتۍ په صورت کې د استیناف غوښتنه هم کولای شي.
