کابل کې د قضیو مدیریتي سیسټم د څارنې هیأت ناسته جوړه شوه
قضیو مدیریتي سیسټم د څارنې هیأت ناسته چي د ۱۳۹۵ کال وري میاشتې په ۸ مه نیټه جوړه شوه، په دې ناسته کې د افغانستان مدافعو وکیلانو خپلواکې ټولنې، کوچنیانو روزني او اصلاح مرکزونو، ملی دفاع وزارت، قضیو مدیریت سیسټم، ملی امنیت عمومي ریاست، ستره محکمه، کورني او بهرني امنیت پر وړاندې مبارزې څارنوالي، توقیف ځایونو او محبسونو عمومي ریاست، اداري فساد سره مبارزې ستراتیژۍ د تطبیق څارنې عالي اداره، کورنیو چارو وزارت او د لویې څارنوالۍ ادارې د قضیو مدیریتي سیسټم استازو تر څنګ د افغانستان عدلی سکتور ملاتړ ادارې استازو برخه اخیسته وه.
په دغه ناسته کې په مرکز او ولایتونو د نوموړي سیسټم د ښه پلي کولو او ګټې اخستنه په اړه بحث وشوو. د قضیو مدیریتي سیسټم لپاره د لازیاتو کارکوونکو نیول د دي ناستي بله مهمه موضوع وه.
دا په داسې حال کي ده چې ښاغلي محمد فرید حمیدي د افغانستان لوی څارنوال په ملی شورا کي د خپل کاري پلانونو په څرګندولو کې د قضیو مدیریت سیسټم پلي کول د خپلو کارو د لمړیتوبونو څخه وګاڼه. دا سیسټم د قضیو سموالي، چټکتیا او روڼوالي په برخه کې اغیزمن ګڼل شوی دي.
