یو تن د اداري فساد له لویو جرمونو سره د مبارزې په عدلي او قضایي مرکز کې محاکمه شو
له لویو جرمونو سره د مبارزې عدلي او قضایي مرکز د ۱۳۹۶ کال د کب پر شلمه د پیسو مینځلو او ناقانونه عوایدو په تور نجیم الله نومی کس محاکمه کړ.
د دغې ناستې قضایي پلاوي نوموړی تورن د جزا کود د ۵۰۵ او ۱۷ مادو پر اساس په شپږ میاشتو تنفیذي بند محکوم کړ.
د اداري فساد له لویو جرمونو سره د مبارزې عدلي او قضایي مرکز د استیناف محکمې د قضایي پلاوي د پرېکړې او د جزا کود د ۵۰۵ او ۱۷ مادو پر اساس په دغه قضیه کې ۱۴۷ زره ډالر او ۵۰ زره سعودي ریال له نوموړي تورن څخه مصادره شوي دي.
