د معلولینو لپاره د کارموندنې خبرتیا
Publish Date
Closing Date
د افغانستان اسلامي جمهوري دولت لویه څارنوالي، د معلولینو د نړیوالې ورځې په ویاړ چې د دسامبر له دریمې سره برابره ده، په مرکز او ولایتونو کې لس مسلکي بستونه، په یاده اداره کې د معلولینو د ونډې زیاتوالي په موخه یوازې هغه معلولینو ته چې له حقوقو او شرعیاتو فارغ او د ۲۴ کلنۍ عمر یې بشپړ کړی وي اعلانوي. دا بستونه د ۱۳۹۸ کال د قوس پر ۱۲ د ازادې سیالۍ له لارې تر ۱۵ ورځو اعلان ته ورکول کېږي.
پر همدې اساس هغه نارینه او ښځینه معلول کسان چې د مسلکي چارو د پرمخ بېولو توان او وړتیا لري، کولای شي د یادو بستونو د غوښتنلیک فورم د لویې څارنوالۍ له سایټ څخه ترلاسه او تر ډکونې وروسته یې له خپلو اسنادو سره یو ځای په pdf بڼه (agorec913@gmail.com) برېښنایي پتې ته واستوي او یا هم کولای شي یاد فورم د لویې څارنوالۍ د بشري سرچینو د پراختیا عمومي ریاست د ګمارنې له امریت څخه تر لاسه او تر بشپړولو وروسته یې همدي امریت ته تسلیم کړي.
د لازیاتو معلوماتو لپاره له دغې شمېرې سره اړیکه ونیسئ. ۰۲۰۲۵۲۱۷۱۰