میدان وردک استیناف څارنوالۍ ریاست ۱۲۲ قضیو ته رسیدګي کړې ده
میدان وردک استیناف څارنوالۍ ریاست ۱۲۲ قضیو ته رسیدګي کړې ده
دغه ریاست په ۱۳۹۹ مالي کال کې ۱۲۲ جنايي قضیې ثبت او رسیدګي کړې دي، چې ۱۵ قضیې د قتل، ۱۹ د غلا، ۱۷ د قاچاق، ۱۷ د مالي او اداري جرمونه، ۱۱ له ښځو سره د تاوتریخوالي، ۷ ترافیکي جرمونه، یو اخلاقي جرم او ۳۴ نورې قضیې بیا د بېلابېلو نورو اړوندو جرمونو دي.
دې څارنوالۍ ۴۵ قضیې د اتهامنامو او صورت دعوا تر بشپړولو وروسته ابتداییه محکمې ته لېږلي او ۲۷ نورې یې بیا استیناف محکمې ته استولې دي. همدارنګه د ۳۸ قضیو محاکماتي پړاوونه بشپړ شوي او ۱۲ نورې قضیې د کافي دلایلو د نشتوالي له کبله حفظ شوې دي.
د میدان وردک استیناف څارنوالۍ دغو قضیو ته د رسیدګۍ له اړخه توانېدلې دوه سوه او دوه زره افغانۍ نقدي جریمې د دولت خزانې ته ولېږي.
دغه ریاست په تېر مالي کال کې د همغږۍ او همکارۍ په موخه له عدلي او قضایي نهادونو، د ولایت مقام، مدني ټولنو، استازو او قومي مشرانو سره ناستې کړې دي او همدارنګه دغه ولایت کې یې له مرکزي محبس څخه هم لیدنې کړې او د محبوسانو د ستونزو د هوارۍ په موخه یې مسؤولانو ته لازم هدایات ورکړي دي.
د یادونې وړ ده، چې د میدان وردک مسلکي او اداري کارکوونکو په ۱۳۹۹ مالي کال کې د ظرفیت لوړونې بېلابېل پروګرامونه کې هم ګډون کړی دی.