د حکومتولۍ سکټور کمېټې د عدليې وزارت له مشرتابه سره تعارفي ناسته وکړه
د فرمانونو او حکمونو د تعقيب او نظارت لوی ریاست د حکومتولۍ کمېټې د ا.ا.ا د مشرتابه د فرمانونو د تعقيب په موخه د عدليې وزارت له چارواکو سره تعارفي ليدنه وکړه.
دې کمېټې چې مشري يې مفتي صفيالرحمن خالد کوله، نن سهشنبه د ۱۴۴۴ هـ.ق کال د رمضانالمبارک پر ۲۰ يې د عدليې وزارت له چارواکو سره ليده کاته وکړل.
د دغې کمېټې رييس او غړو يې د عدليې وزارت له وزیر محترم شیخ عبدالحکيم شرعي سره تر تعارفي ليدنې وروسته د دغه وزارت له مسلکي معين سره هم وليدل.
په دې ليدنه کې د حکومتدارۍ کمېټې رييس له لوري د ا.ا.ا د عالیقدر امیرالمومنین د ۳۲ فرمان په اړه د عدليې وزارت چارواکو ته اړين معلومات ورکړل شول.
وروسته د عدليې وزارت مشرتابه د یاد فرمان د پلیتابه په برخه کې يادې کمېټې ته د همکارۍ او ډاډ ژمنه وکړه.
ياده دې وي، چې د ا.ا.ا مشرتابه د فرمانونو او حکمونو د تعقيب او نظارت لوی رياست ته دنده سپارلې، چې په مرکز او ولايتونو کې د بېلابېلو کمېټو په جوړولو سره د مشرتابه د فرمانونو او حکمونو د پلي کېدا څرنګوالی وڅاري او راپور يې مشرتابه ته وړاندې کړي.
په همدې موخه دغه لوی رياست په مرکز او ولايتونو کې د بېلابېلو کمېټو په جوړولو سره بېلابېلو سکټورونو لپاره کمېټې جوړې کړې دي او د فرمانونو او حکمونو د تعقيب لړۍ روانه ده.
