د ارشاد حج او اقافو، امر بالمعروف او اطلاعات کلتور سکټور کمېټې د امر بالمعروف او نهي عن المنکر او د اطلاعاتو کلتور وزراتونو له چارواکو سره لیدلي
د فرمانونو او حکمونو د تعقيب او نظارت لوی ریاست د ارشاد حج او اوقافو، امر بالمعروف او اطلاعاتو او کلتور کمېټې د ا.ا.ا د مشرتابه د فرمانونو د تعقيب په موخه د امر بالمعروف او نهي عن المنکر او د شکایتونو د اورېدو او د اطلاعاتو او کلتور وزارتونو له چارواکو سره تعارفي ناسته وکړه.
د دې کمېټې مشر مفتي شیرولي حقاني و او چهارشنبه د ۱۴۴۴هـ.ق کال د رمضانالمبارک پر ۲۱ یې د یادو وزارتونو له چارواکو سره د ا.ا.ا د مشرتابه د فرمانونو او حکمونو د تعقیب په موخه په جلا جلا ډول لیدلي دي.
یادې کمېټې د امر بالمعروف او نهي عني المنکر وزارت له مسلکي مرستیال ښاغلي شیخ محمدفقیر سره په لیدنه کې د ا.ا.ا د امیرالمومنین حفظه الله د ۳۲ ګڼې فرمان په اړه اړین معلومات ورکړل.
د نوموړي وزارت مسلکي مرستیال د دې ګام د هرکلي تر څنګ يې د فرمان د پلي کولو ډاډ ورکړ. هغه وویل، چې هر کارکوونکی دې د امیرالمومنین د احکامو او فرمانونو اطاعت وکړي.
له بلې خوا دغې کمېټې د اطلاعات او کلتور وزیر محترم الحاج ملا خیرالله خیرخواه سره هم د فرمانونو او احکامو د تعقیب په موخه تعارفي لیده کاته کړي دي.
په دې لیدنه کې د یادې کمېټې مشر محترم مفتي شېرولي حقاني د ا.ا.ا د عالیقدر امیرالمومنین د ۳۲ ګڼې فرمان په اړه د اطلاعات او کلتور وزارت مسوولانو ته اړین معلومات ورکړل.
د اطلاعات او کلتور وزارت چارواکو له پلاوي د هرکلي تر څنګ له دغې کمېټې سره د هر ډول همکارۍ ژمنه وکړه او ويې ویل،چې د ا.ا.ا مشرتابه ټول فرمانونه او حکمونه به په ښه ډول پلي کوي.
د دغو ناستو موخه د ا.ا.ا د مشرتابه د فرمانونو او احکامو تعقیب او څار بلل شوی دی.
