د اصنافو (دوکاندارانو او کسبکارانو) د مالیې د تخفیف په هکله د عالیقدر امیرالمؤمنین حفظه الله تعالی فرمان
لومړۍ ماده:
که د اصنافو (دوکاندارانو او کسبکارانو) کلني مجموعي عوائد (د فروشاتو سرجمع) تر دوو میلیونو (۲،۰۰۰،۰۰۰) افغانیو پوري وي، له مالیې څخه معاف دي.
دوه یمه ماده:
(۱) که د اصنافو (دوکاندارانو او کسبکارانو) کلني مجموعي عوائد (د فروشاتو سرجمع) له دوو میلیونو (۲،۰۰۰،۰۰۰) افغانیو څخه زیات وي، د کلني صفر اعشاریه (٪۰.۳) سلني ثابتي مالیې تابع دي.
(۲) د دې مادې په (۱) فقره کي درج شوې صفر اعشاریه درې (٪۰.۳) سلنه کلنۍ ثابته مالیه د هغو عوایدو (د فروشاتو له سرجمع) څخه محاسبه کېږي چې له دوو میلیونو (۲،۰۰۰،۰۰۰) افغانیو څخه زیات شوي وي.
درېیمه ماده:
دغه فرمان د ۱۴۰۳ مالي کال له پیل څخه نافذ او په رسمي جریده کي دي خپور شي.
والسلام علیکم و رحمة الله وبرکاته!
امیرالمؤمنین شیخ القرآن والحدیث
مولوي هبة الله اخندزاده