د بګرام د محبس او توقیف خونې د بندیانو دوسيو ته رسیدګۍ وشوه
د نړیوالو جرمونو پر ضد د مبارزې او د کورني او بهرني امنیت پر ضد د مبارزې برخو رئيسانو او څارنوالانو ګډ پلاوي د ۱۴۰۰ لمریز کال د چنګاښ پر ۱۵، د بګرام د عدلي مرکز څارنوالۍ ریاست په همغږۍ، د بګرام د محبس لیدنه وشوه. دغه پلاوي دوه زره او ۲۸۲ دوسيې بررسي کړې دي.
د بګرام د محبس او توقیف خونې لیدنه د لویې څارنوالۍ د سرپرست په هدایت، د نړیوالو جرمونو د قضیو تشخیص او بهرنیو چارو وزارت ته د دغو دوسیو د لېږلو په موخه شوې ده.
دا پلاوي وايي، په دغه مرکز کې د ټولو دوسیو له منځه، یوازې دوه سوه يې د نړیوالو جرمونو اړوند وې، چې یوه یوه کاپي يې د بهرنیو چارو وزارت ته واستول شوه.
همداراز ویل شوي، چې دا دوسيې به په مناسب وخت کې نړیوالې جزايي محکمې ته واستول شي.
