د دارالامان د اداري کمپلکس د ودانۍ جوړونې کار پیل شو
دا کمپلکس د ۱۳۹۸ کال د چنګاښ پر ۲۳ د افغانستان د اسلامي جمهوري دولت د رئیس محمد اشرف غني، د ولسي جرګي رئیس، قاضي القضات، د مشرانو جرګې رئیس او د کابینې د ځينو وزیرانو په حضور پرانستل شو.
د لویې څارنوالۍ وداني چې په ټولو عصري او پرمختللیو امکاناتو سره طرح شوې، هم د یاد کمپلکس د لومړي فاز یوه برخه ده.
د افغانستان د اسلامي جمهوري دولت رئیس، د خپلو خبرو په پیل کې د دغه کمپلکس جوړونه یوه لویه پروژه وبلله او یاده پروژه یې کابل کې د ښاري نظم راوستو او ښې حکومتولۍ په برخه کې مهم او ارزښتناک ګام وباله. نوموړي زیاته کړه، چې د یادې ودانۍ د جوړونې ترڅنګ باید د حکومتدارۍ سیستمونه هم پرمختللي او ځواب ویوونکي جوړ شي.
د هېواد جمهور رئیس ډاکتر محمد اشرف غني، د درې ګونو قواوو رئیسانو او ځينو وزیرانو د لویې څارنوالۍ له نندارتون څخه هم لیدنه وکړه.
د لویې څارنوالۍ د نندارتون مسؤولانو جمهور رئیس ته ښه راغلاست ووایه او د دې ترڅنګ یې د لویې څارنوالۍ د خپلواکو اجرااتو په برخه کې د نوړي له ملاتړ څخه په مننې یې ده ته د څارنوالۍ ځانګړی یونیفورم اهدا کړ.
د یادونې وړ ده، چې یاد نندارتون به تر سې شنبې ورځې پورې، د دارالامان ماڼۍ شرق ته د اداري کمپلکس د جوړنې ځای کې د نندارچیانو پر مخ خلاص وي.
