د لرغونو، تاریخي او فرهنګي ساحو او آثارو د ساتني په هکله د عالیقدر امیرالمؤمنین حفظه الله فرمان

لومړۍ ماده:

(۱) د اطلاعاتو او فرهنګ وزارت او نور وزارتونه او امارتي ادارې مکلفې دي، د تاریخي او فرهنګي آثارو له غصب، ویجاړولو، پېرودنې، پلورنې او قاچاقو څخه مخنیوی وکړي.

(۲) د اطلاعاتو او فرهنګ وزارت او نور وزارتونه او امارتي ادارې مکلفې دي، په لرغونو ساحو کي له غیر مجازو کیندنو او تصرفاتو او د یادو ساحو له ویجاړولو څخه مخنیوی وکړي.

(۳) په لرغونو ساحو کي کیندنې د اطلاعاتو او فرهنګ وزارت له واکونو څخه دي.

(۴) د اطلاعاتو او فرهنګ وزارت مکلف دی، د هېواد له لرغونو، تاریخي او فرهنګي ساحو او آثارو څخه ساتنه او مراقبت وکړي او د لزوم په صورت کي دې د هغو په ترمیمولو اقدام وکړي.

دوه یمه ماده:

د اطلاعاتو او فرهنګ وزارت موظف دی، د قانون مسوده د لرغونو، تاریخي او فرهنګي ساحو او آثارو د ساتنې په منظور تسوید او تخریج کړي او د پړاوونو د تېرولو لپاره دې د عدلیې وزارت ته ولېږي.

درېیمه ماده:

دغه فرمان د توشېح له نېټې څخه نافذ او په رسمي جریده کي دي خپور شي.

والســـلام

امیرالمؤمنین شیخ القرآن والحدیث

مولوي هبة الله اخندزاده