د لویې څارنوالۍ سرپرست د څارنوالۍ د بېلابېلو برخو د اجرااتو د بهیر لیدنه وکړه
د افغانستان اسلامي جمهوري دولت لویې څارنوالۍ سرپرست محترم ذبیح الله کلیم نن شنبه د ۱۴۰۰ لمریز کال د زمري پر دویمه، د لویې څارنوالۍ د بېلابېلو برخو او شعبو لیدنه وکړه.
د لویې څارنوالۍ سرپرست کارکوونکو ته د اختر مبارکۍ تر څنګ د قضیو د رسېدني او د اجرااتو د بهیر لیدنه هم کړې ده.
ښاغلي کلیم قضیو ته د رسیدګۍ او مسلکي اجرااتو په لړ کې د کارکوونکو نظریات، ننګونې او وړاندیزونه واورېدل او مسؤولانو ته یې د هواري هدایت ورکړ.
د لویې څارنوالۍ سرپرست په دې لیدنه کې له مراجعینو او د قضیو له طرفینو سره د څارنوالانو او کارکوونکو پر ښه سلوک او قضیو ته د رسېدنې د بهیر پر روڼوالي او د عدالت پر تأمین ټینګار وکړ.
