د لوی څارنوال مالي او اداري مرستیال د تخار ولایت د زندان څخه لیدنه وکړه
د لوی څارنوال مالي او اداري مرستیال ښاغلی وحیدالدین ارغون او د هغه مل پلاوؤ د یو سفر په ترڅ کښې د هیواد د شمالي ولایاتو څخه لیدنه وکړه ، د دې سفر په ترڅ کښې ښاغلي د دي ولایت د نارینه او ښځینه بندیانو سره وکتل.
ښاغلي ارغون د بندیانو د وضعیت د څیړنې او لیدنې وروسته، چارواکو ته هدایت ورکړ چې په شرایطو برابر بندیانو ته د رخصتۍ ورکولوپه برخه کښې د قانون له مخې باید جدي ګامونه پورته کړل شي.
همدارنګه ښاغلي ارغون زیاته کړه، چې د بندیانو د بخښنې او سزا کمولو په برخه کې دې د افغانستان د ولسمشر فرمانونه په جدي توګه عملي او تطبیق شي.
