له دوکاندارانو (اصنافو) څخه د لوحې د فیس د راټولولو د ممنوعیت په هکله د عالیقدر امیرالمؤمنین حفظه الله تعالی فرمان
لومړۍ ماده:
(۱) له دوکاندارانو (اصنافو) څخه د لوحې د فیس راټولول منع دي او د هغه له اخیستلو څخه دي ډډه وشي.
(۲) په ښاروالیو پوري له اړوندو لوحو او له هغو لوحو څخه چي جواز یې د ښاروالۍ له خوا صادر شوی دی، د فیس راټولول د دې فرمان د لومړۍ مادې په (۱) فقره کې له درج شوي فرمان څخه مستثنی دي.
دوهیمه ماده:
دغه فرمان د صدور له نېټې څخه نافذ او په رسمي جریده کي دي خپور شي.
والسلام علیکم ورحمة الله وبرکاته!
امیرالمؤمنین شیخ القرآن والحدیث
مولوي هبة الله اخندزاده