په تقنیني سندونو، کتابونو او رسالو، مکتوبونو، قضايي فیصلو او د صلحي او مصالحې خطونو په پیل کي د "بِسْمِ اللهِ الرَّحْمنِ الرَّحِیم"، حمد او صلوة د لیکنې په هکله د عالیقدر امیر المؤمنین حفظه الله تعالی فرمان

لومړۍ ماده:

(۱) د تقنیني سندونو، کتابونو او رسالو په پیل کي دي بِسْمِ اللهِ الرَّحْمنِ الرَّحِیم، حمد او صلوة ټول ولیکل شي.

(۲) د تقنیني سندونو په پیل کي دي بسم الله الرحمن الرحیم، حمد او صلاة په لاندي متن ولیکل شي:

"بِسْمِ اللهِ الرَّحْمنِ الرَّحِیم، الحمد لله رب العالمین و الصلاة و السلام علی سید المرسلین و علی آله و اصحابه اجمعین."

دوه یمه ماده:

د مکتوبونو، قضايي فیصلو، د صلحي او مصالحې د خطونو په پیل کي دي یوازي "بِسْمِ اللهِ الرَّحْمنِ الرَّحِیم" ولیکل شي.

درېیمه ماده:

وزارتونه او امارتي ادارې مکلفې دي په خپلو اجراآتو کي د دې فرمان په لومړۍ او دوه یمه ماده کي درج شوي حکمونه رعایت کړي.

څلورمه ماده:

دغه فرمان د توشېح له نېټې څخه نافذ او په رسمي جریده کي دي خپور شي.

والســــلام

امیرالمؤمنین شیخ القرآن والحدیث

مولوي هبة الله اخندزاده