یوناما له اداري فساد سره د مبارزې په برخه کې د افغان دولت لاسته راوړنې وستایلې
کابل کې د ملګرو ملتونو دفتر(یوناما) د یوې اعلامیې په خپرولو سره چې د اداري فساد پر ضد د مبارزې د نړویوالې ورځې په ویاړ یې خپره کړې، د ادارې فساد پر ضد د مبارزې برخه کې د افغان دولت لاسته راوړنې ستایلې او د دغه دولت پر ملاتړ یې ټينګار کړی دی. دا اعلامیه چې د لیندۍ پر ۱۸ خپره شوه، د جزا کود، اطلاعاتو ته د لاسرسي قانون، له اداري فساد سره د مبارزې قانون او ستراتیژۍ له لارې یې، له ادارې فساد سره د مبارزې برخه کې د افغان دولت د اقداماتو ملاتړ کړی دی.
په دغې اعلامیه کې راغلي: «ملګري ملتونه د هغه بنسټیزو پرمختګونو، پالیسیو او قوانینو ملاتړ کوي، چې له اداري فساد سره د مبارزې برخه کې د افغان دولت د کاري چاپېریال د پیاوړتیا سبب کېږي.» یوناما همداراز د څارنوالانو هدفي وژنې غندلې او له یادې ناوړه پدیدې سره د مبارزې لپاره یې له لویې څارنوالۍ سره د همکارۍ ژمنه کړې ده.
