د جمهوري ریاست د دویمې مرستیالۍ د احکامو د تزویر په تور درې کسان ونیول شول
دا درې کسان د ۱۴۰۰ د لمریز کال د زمري پر پنځمه د لویې څارنوالۍ د کنټرول او مراقبت څارنوالۍ عمومي ریاست له خوا نیول شوي دي. دغو تورنو څلور تزویري مکتوبونه د جمهوري ریاست د لومړۍ مرستیالۍ له ادرسه لویې څارنوالۍ، بهرنیو چارو وزارت او لوړو زده کړو وزارت ته ترتیب او صادر کړي وو.
د کنټرول او مراقبت څارنوالۍ عمومي ریاست د اطلاع له ترلاسي وروسته د دغې قضیې عاملان نیولي دي او دمګړي تورن په توقیف او تر عدلي او قضايي تحقیق لاندې دي.
د افغانستان اسلامي جمهوري دولت لویه څارنوالي د عدالت د تأمین لپاره، له اداري فساد سره په ټول توان مبارزه کوي او د دغې قضيې نتایج به هم ډېر ژر له خلکو سره شریک کړي.
