لویې څارنوالۍ عالي شورای غونډه د لویې څارنوالۍ سرپرست او تحقیق په چارو کې ددې ادارې مرستیال څارنپوه نور حبیب جلال تر مشرۍ لاندې ترسره شوه
پدغه غونډه کې چې ددې ادارې مرستیال او مرکزي رئیسانو ګډون درلود د مهمو موضوعاتو په اړه خبرې وشوۍ. په لمړۍ برخه کې د عالي شورای غړو د څارنوالانو مجلې او جریدې لیکوالانو د هیت تنخوا په اړه د اطلاعاتو او عامه اړیکو ریاست پیشنهاد تایید کړ.
وروسته د لویې څارنوالۍ عالي شورای د آجندا سره سم د خلکو ممنوع الخروجی او پاسپورت د ستونزو په اړه بحث او خبرې وشوې. په نظامي چارو کې د څارنوالۍ معاونیت د وړاندیز متن پر بنسټ ډیری وخت په پاسپورت کې د مشابه نومونو او د پلار نوم نشتون له کبله د هغه وګړو پر ځای چې د څارنې لاندې دي نور اشخاص د هوایي ډګر څخه راګرځول کیږي.
د لویې څارنوالۍ عالي شورای لارښوونه ورکړه دا چې د پاسپورت ریاست او سرحدي پولیس د کورنیو چارو وزارت پورې تړاو لري، دغه ستونزه دې په بنسټیزه او هراړخیزه توګه حل کړي.
د لویې څارنوالۍ عالي شورای د آجندا بله موضوع د هغه خلکو سرنوشت په اړه بحث وه چې د اختطاف او برمته کولو جرمونو په پایله کې یې د حبس موده تیره کړي وی ولی ددوی په غاړه د پاتی پیسو د نه ورکړی له امله چه باید متضرر ته یی بیرته ورکړي تر اوسه په زندان کی پاتی دی. عالي شورای پریکړه وکړه چه اړونده مراجع دی پدی برخه کی د جمهوری ریاست د عالی مقام د فرمان د هدایت سره سم اجراآت وکړي. ددی فرمان پر بنسټ د اختطاف په پایله کی په جزا محکوم شوی کسان چه د حبس موده په زندان کی تیره کړی او ددوی په ذمت پیسی چه باید متضرر/زیانمند ته یی ورکړی نوی ورکړی د پیسو د ستنونلو پوری په زندان کی پاتی کیږی.
وروسته له هغې پدغه غونډه کې د شمال او جنوب زون ځینو څارنوالانو د سرغړونو په اړه د تفتیش ریاست رپورټ ولوستل شو. عالي شورای غړو د څارنوالانو مسلکي او پرته د کومې سرغړونې کار د تاکید کولو پر مهال د تفتیش ریاست څخه و غوښتل چې د څارنوالانو کړنو د څارنی پر مهال دی هغوی ته لارښونی وکړي او د قصدی سرغړونو په صورت کی دی د څارنو نتیجه د عالی شورای سره شریکه کړي.
"
