افغانستان لویه څارنوالي: د کابل کوټی سنګې په سیمه کې د یو تجارتي مرکز اور لګیدنې پیښه به په جدي توګه تعقیب شي

دغه مسئله د لویې څارنوالۍ عالي شورا نننۍ (یکشنبه زمري ۱۷ مې) غونډه کې مطرح شو. عالي شورا غونډه د څارنپوه محمد فرید حمیدي، د هیواد لوی څارنوال تر مشرۍ ترسره شوه. په دغه غونډه کې چې د شورا ټولو غړو ګډون کړی وو پر مهمو موضوعاتو بحث ترسره او پریکړه وشوه. 

د دغې ناستې په لومړي برخه کې، د کابل ولایت استیناف څارنوالۍ ریاست پر وړاندیز چې آیا د مماثلو محاکمو پریکړې پر بنسټ د بندیانو خوشې کیدل او یا توقیف او په جزایي موضوعګانو کې د دغو محاکمو پریکړې قطعي دي او که نه؟ بحث ترسره او نظرونه سره شریک کړای شو. پدغه ناسته کې د لوی څارنوالۍ عالي شورا پریکړه وکړه څو دا شان موضوګانې دې د محاکمو د واک قانون ۴۸ مې مادې پر بنسټ حل کړای شي. 

د دغې ناستې بله موضوع بیا د کابل د کوټې سنګي سیمې د اباسین ځدران تجارتي مرکز د اور لګیدنې ارزونه وه. په دغه ناسته کې د هیواد لوی څارنوال وویل چې د عامه حقونو او آزادۍ ساتنه د څارنوالۍ له دندو څخه دي. کوم کسان چې پدغه پیښه کې لاس ولري باید په جدي توګه تعقیب لاندې راوستل شي.  

ښاغلي حمیدی، د هیواد لوی څارنوال، د جرمونو څخه مخنیوی د لوی څارنوالۍ له دندو په ګوته کوي. او د همدې اصل پر بنسټ یې د لاندیني کسانو هر یو د تحقیق په چارو کې د لوی څارنوالۍ مرستیال، د داخلې وزارت څارنوالۍ رئیس فضل کریم سادات، د تفتیش ریاست څارنوال محمد رفیع، د کشفی او تحقیقی ارګانونو پر کړنو د نظارت څارنوالۍ رئیس یار محمد حسین خیل، د کابل ښاروالۍ او ښار جوړونې وزارت استازو په ګډون یې یوه کمیټه جوړه کړه.

دغه کمیټه به د تحقیق په چارو کې د لوی څارنوالۍ معاون تر مشرۍ، د کابل کوټې سنګي سیمې د تجارتي مرکز اور لګیدنې پیښې ارزونه وکړي. د لوی څارنوالۍ عالي شورا، د اور لګیدنې ضد آلات، د بیړني خروجي لارو او د لوړپوړیز ودانۍ د جوړونې جواز لرل له هغو مسئلو ګڼي کوم چې باید په دقیقه توګه تحقیق او وارزول شي. دغې کمیټه ته دنده سپارل شوی څو په راتلوونکي کې د دې شان پیښو مخنیوي په موخه یوه لارښوونه ترتیب کړي او په رسمي ډول یې اړوند مراجعو ته واستوي.

د دې ناستې په بله برخه کې، ویډیو له لارې د جرمونو تحقیق په هکله چې لاپخوا عالي شورا کې مطرح شوی و، بحث ترسره شو. د لوی څارنوالۍ عالي شورا بیا د رایو په اتفاق سره دغه طرحه د تحقیق د قوانینو، اصولو او معیارونو سره د نه همغږي له کبله رد کړه.

په حین حال کې د لوی څارنوالۍ عالي شورا د دغې ناستې په ترڅ کې، په عسکري چارو کې د لوی څارنوالۍ معاونیت ته دنده وسپارله څو د عسکري اجراآتو جزایي قانون او د عسکري جزا قانون د تعدیل او تدوین دپاره یوه کمیټه جوړه کړي.

د لوی څارنوالۍ عالي شورا په اوونۍ کې یو ځلي ترسره کیږي. پدغه شورا کې د لوی څارنوالۍ اړوند پر مهمو موضوګانو بحث ترسره کیږي او شورا پریکړه صادروي. 

"