د لوی څارنوال حمیدي په مشرۍ د لوی څارنوالۍ عالي شورا غوڼده جوړه سوه
د افغانستان اسلامی جمهوریت د لوی څاروال څارنپوه محمد فرید حمیدي په مشرۍ نن ماپښين د لوی څارنوالۍ عالي شورا غوڼده جوړه سوه .
په دغه غونډه کي د (۱۰۱) اسمايي زون د جنايي جرمونو سره د مبارزې رئیس او دفساد پر ضد د مبارزې مدیر په کابل کي د تښتوني (اختطاف) ، وژنو ، دکورنو تلاښۍ ،رشوت اخیستني او حقوقي مسایل په اړه راپور وړاندي کړ.
دلوی څارنوالۍ عالي شورا د دغو مسایلو تر هر اړخیزه ارزوني وروسته ، و مسوولینو ته لازمي لارښووني وکړې او پرېکړه سوه چي د څارنوالۍ ،کورنیو چارو وزارت او د ملي امنیت عمومي ریاست تر مینځ یو ګډ کمیسیون جوړ سي ترڅو ننګوني تشخیص او حل لاري ورته ولټول سي او د اخیري پرېکړي لپاره دي عالي شورا ته وړاندي سي .
د لوی څارنوالۍ عالي شورا د اداري فساد او وظیفوي جرمونو د څارنوالۍ پر هغه وړاندیز هم بحث وکړ چي دڅارنوالۍ دکورني او بهرني جرمونو دامنیت ریاست یو تن څارنوال د یو بندي (زنداني ) د تښتولو په تور تورن وو اوهمدارنګه د مرکزي نظامي زون د استیناف محکمې ددغه وړاندیز پر اساس پرېکړه کړي چي نوموړي شخص دي د عدلي او قضایي تعقیب لاندي سي او د تفتیش ریاست ته دنده وسپارل سوه چي پېښي په هر اړخیز ډول وڅېړي او عالي شورا ته یې راپور وړاندي کړي .
په پای کي د لوی څارنوالۍ د څارنې او ازادی دمحرومیت کمېټې د ماشومانو د توقیف ځایونو پر بدیل بحث وکړ او دغه کمېټې پر هغه تفاهم لیک کره کتنه وکړه ،کوم چي د لوی څارنوالۍ ،ستري محکمي ، دکار او ټولنیزو چارو وزارت ، عدلې وزارت ، کورنیو چارو وزارت او (رفا )د ماشومان او نوو ځوانانو ټولنیزي مؤسیسې د ترمنځ لاسلیک سوئ وو .
او پرېکړه وسوه چي د کار او ټولنیزو چارو وزارت ته شفاهي وویل سي چي لوی څارنوالي د خلګو دحقونو او په ځانګړي ډول دماشومانو د حقونو څخه ملاتړ کوي او دغه اداره به د احکامو دپلي کولو او د ماشومانو د روزني د مرکزونو څخه دوامداره څارنه کوي .
