د رقابتي آزموینې درېیم پړاو په نظامي څارنوالۍ کښې ترسره شو
دغه آزموینه نن د سه شنبې ورځ د غبرګولي په دویمه د لويې څارنوالۍ د نظامي چارو مرستیال ډګر جنرال عبدالفتاح عزیزي او د دې معاونیت د رئیسانو په ګډون ترسره شوه.
په دغې آزموینې کښې د حقوق او شرعیاتو پوهنځیو څخه تقریباً درې سوه تنه فارغینو په شمول د نارینه او ښځینه ګډون کړی وو. د لويې څارنوالۍ د نظامي چارو معاونیت د ۱۲ اداري خالي بستونو ډکولو لپاره، د ګډونوالو نه آزموینه واخیستل شوه.
د لویې څارنوالۍ د نظامي چارو مرستیال عبدالفتاح غزیزي د آزموینې ګډونوالو ته د شفافیت ډاډ ورکړ او همدارنګه یې وویل:” د آزموینې په بهیر کې مونږ هېڅ چا ته هم د لاسوهنې اجازه نه ورکوو. د آزموینې پاڼې به د ګډونوالو د استازو په ګډون وارزول شي. “
د آزموینې پایلې به د آزمویېنې پاڼو د ارزونې وروسته، د لویې څارنوالۍ په وېب پاڼې خپرې شي. د لویې څارنوالۍ د نظامي چارو معاونیت له دې مخکې هم دوه رقابتي آزموینې په لاره اچولې دي.
