لويې څارنوالۍ کې د پسرلي په راتګ سره نیالګي کېنول شول
د افغانستان اسلامي جمهوري دولت لوی څارنوال څارنپوه محمد فرید حمیدي د لويې څارنوالۍ په دارالامان ودانۍ کې د ۱۳۹۶ کال د کب پر شلمه د پسرلي په راتګ یو شمېر نيالګي کېنول.
د دغو نیالګیو د کېنولو پر مهال د لويې څارنوالۍ مرستیالانو، رئیسانو او یو شمېر کارکوونکو ګډون کړی و.
د لويې څارنوالۍ ادارې په دغه اداره کې نژدې ۲۰۰ نیالګي کېنولي او په پام کې لري، چې د دغې ادارې په دارالامان او نوي ښار ودانيو کې هم ورته نیالګي، زینتي بوټي او ګلان کېنوي.
د یادونې وړ ده، چې د لويې څارنوالۍ د نوې رهبرۍ په راتګ سره د نورو لاسته راوړنو تر څنګ د دغې ادارې په زرغونتیا کې هم خورا مثبت بدلون راغلی او لا هم هڅه کېږي، چې د ګلانو، بوټو او ونو په کرلو سره د لویې څارنوالۍ انګړ لا زرغون کړي
