مفتي شېرولي حقاني د کرکټ بورډ له عمومي رییس او حج او اوقافو وزارت له مرستیال سره ولیدل
د فرمانونو او حکمونو د تعقیب او نظارت لوی ریاست د ارشاد حج او اوقافو، امر بالمعروف او اطلاعات او کلتور سکټور کمېټې د مفتي شېرولي حقاني په مشرۍ د کرکټ بورډ له عمومي رییس میرویس اشرف او د ارشاد حج او اوقافو وزارت له مالي او اداري مرستیال عارف الله عارف سره تعارفي ناستې کړې دي.
دې کمېټې د ۱۴۴۴ هـ.ق کال د رمضانالمبارک پر ۲۴ د ارشاد حج او اوقافو وزارت مسوولانو ته د ا.ا.ا د مشرتابه ۳۲ ګڼې فرمان ضمیمه قانون په تړاو اړین معلومات ورکړي دي.
یاد فرمان چې د فرمانونو او حکمونو د تعقیب او نظارت لوی ریاست دندې او واکونه روښانوي، په دې وروستیو کې صادر شوی او د اجرا وړ دی.
همداراز د فرمانونو او حکمونو د تعقیب او نظارت لوی ریاست د ارشاد حج او اوقافو، امربالمعروف او اطلاعات او کلتور سکټور کمېټې مشر او غړو د کرکټ بورډ له عمومي رییس او ځینو نورو مسوولینو سره لیدلي او د یاد فرمان په اړه یې معلومات ورکړي دي.
بل خوا د کرکټ بورډ او حج او اوقافو وزارت چارواکو د فرمانونو او حکمونو د تعقیب او نظارت لوی ریاست له جوړېدو خوښي څرګنده کړې او ډاډ یې ورکړی، چې د امیرالمومنین حفظه الله ټول فرمانونه به په ښه ډول پلي کړي.
د دغو ناستو موخه، د ا.ا.ا د مشرتابه د فرمانونو او حکمونو تعقیب او څار بلل شوی او دا لړۍ په مرکز او ولایاتو کې په ډېرې چټکۍ سره روانه ده.
