د اطلاعاتو او عامه اړیکو ریاست سره د مالي او اداري معاونیت لومړۍ میاشتنۍ غونډه ترسره شوه
دغه غونډه نن د دوشنبې په ورځ د وري میاشتې په ۲۸ مه نیټه د خپرونو او عامه پوهاوي د ښه والې په موخه د لوی څارنوالۍ مالي او اداري مرستیال وحید الدین ارغون ، د معلوماتو او عامه اړیکو مشر شاه محمد خپلواک او د رياست د نورو کارکوونکو په ګډون ترسره شوه.
په غونډه کې ، د اطلاعاتو او عامه اړیکو ریاست د دندو لایحې، کاري برنامې ، او د فعالیتونو د بیا کتنې طریقې او د اسې نوروموضوعګانو په اړه خبرې وشوې . د لوی څارنوالۍ مالي او اداري مرستیال په باور عامه پوهاوی د دې ریاست د مهمو او ارزښت لرونکو مسؤلیتونو څخه دی. د عامه پوهاوي د برنامو پراخوالی، رسنیو څخه څارنه، د چاپي او الکترونیکي خپرونو د کیفیت ښه والی او کتابتون د هغه موضوعګانو څخه وو چې ښاغلي ارغون پری ټینګار وکړ. نوموړي زیاته کړه:" ډیر ژر به د لوی څارنوالۍ عالي شورا په غونډه کې د لوی څارنوالۍ د خپرونو کړنلارې په اړه بحث او خبرې ترسره وشي. یاده کړنلاره به د عالي شورا د تایید وروسته د اجرا وړ وي. دغه کړنلاره کولای شي د لوی څارنوالۍ د رسنیو د برنامو په ښه والي کې مرسته وکړي".
په غونډه کې ښاغلی خپلواک د اطلاعاتو او عامه اړیکو رياست د برنامو او کړنو څخه یادونه وکړه. کاري برنامې، د خپرونو او ارتباطي کارونو تنظیم، او د دې ریاست نوي برنامې هغه ارزښت لرونکي موضوعګانې وې چې داطلاعاتو او عامه اړیکو رئيس يی په اړه خبرې وکړې. د نوموړې په وینا، دا ریاست د پوهاوي زیاتې برنامې په پام کې لري. نوموړي زیاته کړه: " د اطلاعاتو او عامه اړیکو رياست په پام کې لري چې بروشورونه ، خبر پاڼې، بیلبوردونه چاپ کړي او لنډې تلویزوني او راډیويي تبلیغاتي برنامې ترسره کړي. دغه پروګرامونه چمتو شوي او ډیر ژر به عملي شي. "
په غونډه کې، د یاد ریاست د ننګونو او ستونزو په اړه هم خبرې وشوې . د کارکوونکو ، تخنیکي او مالي وسایلو کموالی د مهمو ننګونو په توګه په غونډه کې مطرح شو. مالي او اداري مرستیال ژمنه وکړه چې د دې ستونزو د حل لپاره به هلې ځلې وکړي. هغه د خپلو خبرو په ترڅ کې وویل: " د اطلاعاتو او عامه اړیکو رياست خالي بستونه به ډیر ژراعلان شي. وړتیا لرونکي هغه کارکوونکي چې تردی دمه د رتبو او معاشونو په نوي سیستم کې ندي شامل شوي په سیستم کې به شامل شي. د دې کار د ترسره کیدو سره به له یوې خوا د کارکونکو تنخوا زیاته شي او له بلې خوا به وکولای شو ښه ظرفیتونه وګمارو. "
ټاکلې ده له دې وروسته د لوی څارنوالۍ مالي او اداري مرستیال د دې معاونیت د اثر لاندی ریاستونو سره میاشتنۍ غونډې تر سره کړي.
"
