د لویې څارنوالۍ عالي شورا غونډه ترسره شوه
د لوی څارنوالي عالی شوراغونډه نن د یکشنبې په ورځ د غویی میاشتي په 17 مه نیټه د څارنپوه محمد فرید حمیدی په مشري د مرستیالانو او عالي شورا د غړو په ګډون جوړه شوه
د غونډې په لومړۍ برخه کې، محمد فرید حمیدی د افغانستان لوی څارنوال د ژنیو د سفر په اړه او په افغانستان کې د شکنجې پر ضد د شکنجې نړیوال کنوانسیون او نړیوالو ادارو ته د شورا مفصل معلومات وړاندې کړل.
ښاغلي حمیدي وویل: "هغه ځایونه چې د آزادي څخه محروم پاتي دي دهغه ځایونو د څارنې لپاره باید کړنلاره روښانه شي." له بلې خوا د شکنجی پر ضد د کمیټې د جوړولو په موضوع د هیواد لوی څارنوال ټينګار وکړ. دا کمیټه باید څرګنده کړنلاره جوړه کړي تر څو عدلی او قضایی کارکوونکي د څیړنې په وخت ستونزو سره مخامخ نشي او خپلې دندې په ښه توګه ترسره کړي.
د غونډې په راتلونکی برخه کې، د دقیقې کتنې او مطالعاتو ریاست د "لویه څارنوالي" د کلمې د لیکني په اړه په لوګو، فورمو او د پښتو او دري په رسمي اسنادو کې د دې کلمې د لیکلو په اړه خبرې وکړې .
په دې اړه شورا فیصله وکړه چې د لویې څارنوالي د قانوني صلاحیت له مخې سندونه او قانوني حکمونه باید په پام کې ونیول شي.
د خبرو په لړ کې د پلان او پالیسي ریاست په وړاندیز د څارنوالي استراتیژي باید د شپږو میاشتو لپاره تمدید شي.
عالی شورا فیصله وکړه چې د راتلونکو شپږو میاشتو لپاره دې د مخکینی ستراتیژۍ څخه کار واخیستل شي. د استراتیژي په جوړولو کې باید د سرچینې ، ظرفیتونه او شته فرصتونه په نظر کې ونیول شي. له بلې خوا د استراتیژي په جوړولو کې باید د ښځو او ماشومانو په اړه یو ښکاره لید موجود وي تر څو ښځو او ماشومانو ته د عدالت غوښتنې لاره برابره شي.
د غونډې په پای کې د پکتیا ولایت استیناف ریاست په )36( مه استهدائیه خبري وشوې . دا استهدائیه د جنسي تیري په اړه وه، چې اوس مهال د ښځو او ماشومانو په وړاندې د تاوتریخوالي په ځانګړې څارنوالۍ کې څېړنې لاندې ده.
د عالي شورا غړو پریکړه وکړه چې قضیه باید د لا ډیر وضاحت لپاره اړوندو چارواکو ته ولیږدول شي او د وروستۍ پریکړې پایلې دې په راتلونکي غونډه کې شورا ته وړاندې شي.
