د څارنوال مجلې او جریدې د کتنپلاوي غونډه وشوه
د څارنوال مجلې او جريدې د کتنپلاوي غونډه د روان کال د لړم پر درېيمه ترسره شوه.
په نوموړې غونډه کې د لويې څارنوالۍ د عدلي او تعقیبي چارو مرستیال غلام حیدر علامه او د څارنوال مجلې او جریدې کتنپلاوي ګډون کړی وو.
د غونډې ګډونوالو د افغانستان د څارنوالانو څلورم سرتاسري کنفرانس کتاب چې څه موده پخوا چاپ شو، وارزاوه او زیاته یې کړه، چې د لويې څارنوالۍ چاپي خپرونې مخ پر معیاري کېدو دي.
د دې غونډې ګډونوالو په امنیتي او دفاعي سکتور کې له اداري فساد سره د مبارزې ګډ کنفرانس د کتاب چارې بشپړې وبللې او ټینګار يې وکړ، چې هره خپرونه باید تر پخوانۍ خپرونې ښه واوسي.
د یادونې وړ ده، چې په امنیتي او دفاعي سکتور کې له اداري فساد سره د مبارزې درې ورځنی ګډ کنفرانس څه موده پخوا ترسره شوه، چې اوس يې د ګډونوالو وینا په کتابي بڼه خپرېږي.
