یو تن له واک څخه د ناوړه ګټې اخېستې په تور محاکمه شو
د اداري فساد له لویو جرمونو سره د مبارزې د عدلي او قضایي مرکز د ایستیناف محکمې یو کس له واک څخه د ناوړه ګټې اخېستنې په تور د ۱۳۹۷ کال د کب پر ۲۶ په علني ډول محاکمه کړ.
د دغې قضایي ناستې پلاوي، نیاز محمد له واک څخه د ناوړه ګټې اخېستنې په درېیو مواردو کې د جزا کود د ۲۱۵ مادې څلورمې فقرې په نظر کې نیولو او همداراز د یاد شوې کود د ۴۰۳، ۱۴۱، ۷۸ او ۱۷ مادې دویمې فقرې لومړي بند په رعایتولو د جزایي اجرااتو قانون د ۲۳۷ مادې او د جزا قانون د ۱۴۵ او ۲۵۸ مادې دویمې فقرې مطابق په یو کال او شپږو میاشتو تنفیذي بند او دوه سوه او څلوېښت زره افغانیو نقدي جریمې په ورکړه محکوم کړ.
دا په داسې حال کې ده، چې نیاز محمد له واک څخه د ناوړه ګټې اخېستنې په دریو مواردو کې د اداري فساد له لویو جرمونو سره د مبارزې د عدلي او قضایې مرکز د ابتدایي محکمې له خوا هم په یو کال او شپږو میاشتو تنفیذي بند محکوم شوی و.
د یادې شوې قضایي ناستې رئیس وویل، چې دا نهایي پرېکړه نه ده، د یاد تورن د قناعت نه لرلو په صورت کې د تمیز غوښتنې حق خوندي دی.
