د لویې څارنوالۍ د عسکري چارو مرستیالۍ ۲۵۷ قضیې ثبت کړې او څېړلې دي
په عسکري چارو کې د لویې څارنوالۍ راپور ښیي، چې د ۱۳۹۷ کال د کب په میاشت کې د هېواد په کچه ۲۵۷ جنایي پېښې شوې دي.
د دغه راپور پر بنسټ، ۶۱ قضیې د دعوې او اتهام نامې له ترتیب وروسته ابتدایي محکمې ته سپارل شوې، چې پر ۱۷ قضیو یې پرېکړه هم شوې ده او ۱۴۴ نورې تر کار لاندې دي.
په دغه راپور کې راغلي، چې پنځه قضیې اړونده مراجعو ته استول شوې او ۲۲ نورې د مناسبو دلایلو د نشتوالي له امله ساتل شوې دي.
په دغه راپور کې همداراز راغلي، چې د یادو قضیو څخه ۲۱ د اشخاصو اړوند جرمونو، ۱۰ قضیې د (دوکې، جعل او تزویز، ناقانونه غوښتنو، رشوت، او اختلاس) او ۱۴ نورې د کورني او بهرني امنیت پر وړاندې جرمونو په اړه دي.
په یاد شوي راپور کې د قضیو د راغلي تعداد له مخې، د نغدي جرمي، اختلاس، نشه یي توکو او د ځینو نظامي کارکوونکو د معاش پنځوس سلنه چې په نغدي جریمه محکوم شوي، یو میلیون و۴۳۲ زره او ۸۲۰ افغانۍ په لاس راغلې او د دولت په پرېکنده حساب مرکزي بانک ته استول شوي دي
