لویې څارنوالۍ د پانګوالو او د خصوصي سکتور د غړو د اختتاف ۹۶۸ قضيې ثبت او رسیدګي کړې
لویې څارنوالۍ د پانګوالو او د خصوصي سکتور د غړو د اختتاف ۹۶۸ قضيې ثبت او رسیدګي کړې
د افغانستان اسلامي جمهوري دولت لویه څارنوالۍ په وروستیو درېيو کلونو کې دا قضيې د کورني او بهرني امنیت د جرمونو پر ضد د مبارزې څارنوالۍ له خوا د خصوصي سکتور او پانګوالو د ملاتړ لپاره رسیدګي ورته کړې ده.
د دغې قضيې په تړاو یو زرو ۹۶۶ کسان مظنون پېژندل شوي، چې ۹۸۶ کسان په مجازاتو محکوم شوي دي. په دې ډله کې ۶۱ تنه په اعدام، ۶۶ تنه په لومړۍ درجه حبس، ۱۲۳ کسان په دویمه درجه حبس، ۸۰۱ په اوږدمهالي حبس، ۲۶۸ په متوسط حبس او ۴۶ کسان په قصیر حبس او د نقدي جزا په مجازاتو محکوم شوي دي.
د دې قضیو له ډلې په ۱۳۹۷ لمریز کال کې د خصوصي سکتور د مصؤنیت د کمېټې له ایجاد مخکې، ۵۴۳ قضيې چې له مخې یې یو زرو ۱۳۵ کسان تورن دي ثبت کړې دي او همداراز ۳۰۰ قضيې چې له مخکې يې ۶۰۲ کسان تورن دي په ۱۳۹۸ کال کې او ۲۹۹ قضيې چې پر اساس یې ۱۲۵ کسان تورن دي، د ۱۳۹۹ لمریز کال د وري میاشتې له لومړۍ نېټې د وږي تر ۳۰ پورې ثبت او رسیدګي ورته کړې ده.
تر ټولو ډېر جرمونه په هرات، کابل، ننګرهار او تخار ولایتونو کې شوي دي.
د یادونې وړ ده، لویې څارنوالۍ د افغانستان اسلامي جمهوري دولت عالي مقام د ۱۳۹۷ لمریز کال د غويي میاشتې دویمې نېټې د ۴۰۳ شمېرې حکم پر اساس د سوداګرو، صنعت کارانو او نورو تاجرانو د مصؤنیت لپاره یوه کمېټه ایجاد کړې ده. د کورني او بهرني امنیت پر ضد د مبارز څارنوالۍ عمومي رئیس، د جرایمو د تحقیق رئیس او د ملي چارو مشاور او د لویې څارنوالۍ ویاند د دې کمېټې غړي دي.
