لویې څارنوالۍ د ۱۳۹۹ لمریز کال په لړم میاشت کې د عسکري جنايي جرمونو ۱۲۱ قضیو ته رسیدګي کړې
لویې څارنوالۍ د ۱۳۹۹ لمریز کال په لړم میاشت کې د عسکري جنايي جرمونو ۱۲۱ قضیو ته رسیدګي کړې
په دغو قضیو کې ۸ قضيې د قتل، یو قضیه د غلا، ۲ قضيې د ترافیکي جرمونو، ۲۱ هم د مالي او اداري جرمونو، ۱ قضیه هم د نشه يي توکو جرمونو او ۱۷۹ نورې د بېلابېلو نورو جرمونو په تړاو دي.
د افغانستان اسلامي جمهوري دولت لویې څارنوالۍ د روان کال په لړم میاشت کې په عسکري چارو کې د لويې څارنوالۍ مرسیتالۍ له لارې ۲۱۲ جنايي قضيې ثبت او رسیدګي کړې دي.
دا قضيې د اتهامنامو له ترتیب او د اسنادو او شواهدو له راټولو وروسته د محکمو په حضور کې اورول شوې دي.
د دغو قضیو له ډلې څخه ۱۷ جرمي قضيې د استیناف محکمې پرېکړې په بر کې نیسي، د ۸۰ قضیو محاکماتي پړاوونه بشپړ شوي، ۱۱ قضيې هم د الزام د کافي دلایلو د نشتوالي له امله حفظ او ۸۸ قضيې هم د تحقیقاتو د بشپړولو په موخه مسترد شوې دي.
دغو قضیو ته د رسیدګۍ له کبله، د دولت خزانې ته یو میلیون و پنځه زره او ۶۳۰ افغانۍ سپارل شوې دي.
