لویې څارنوالۍ په ۱۳۹۹ مالي کال کې د عسکري جرمونو ۲۴۶۴ قضیو ته رسیدګي کړې
لویې څارنوالۍ په ۱۳۹۹ مالي کال کې د عسکري جرمونو ۲۴۶۴ قضیو ته رسیدګي کړې
د افغانستان اسلامي جمهوري دولت لويې څارنوالۍ د عسکري چارو مرستیالۍ په ۱۳۹۹ مالي کال کې دوه زره ۴۶۴ جنايي قضيو ته رسیدګي کړې ده.
په دغو قضیو کې ۸۴ قضيې د قتل، ۵۴ قضيې د غلا، ۷ هم د اخلاقي جرمونو، ۲۸ د ترافیکي جرایمو، ۱۸۳ د مالي او اداري جرمونو، ۲۱ د نشه يي توکو او دوه زره ۸۷ نورې قضيې د بېلابېلو نورو جرمونو اړوند دي.
دا قضيې د اسنادو پر اساس د اتهامنامو تر ترتیب او د اسنادو او شواهدو له راټولولو وروسته محکمو ته استول شوې دي.
د دغو قضیو له ډلې څخه ۲۴۹ قضيې د استیناف محکمې پرېکړه په بر کې نیسي او د ۷۶۷ قضیو محاکماتي پړاوونه بشپړ شوي او تورن يې په نقدي جزا او بند محکوم شوي دي.
د کافي دلایلو د نشتوالي له امله ۱۹۴ قضيې حفظ او د ۲۶۸ نورې هم د تحقیقاتو د بشپړېدا لپاره مسترد شوې دي.
دغو قضیو ته د رسیدګۍ له کبله ۱۷ میلیونه، ۷۸۵ زره او ۹۴۷ افغانۍ د دولت خزانې ته تحویل شوې دي.
