د اقتصادي سکټور کمېټې د صنعت او سوداګرۍ وزارت له چارواکو سره لیدلي
د فرمانونو او حکمونو د تعقیب او نظارت لوی ریاست د اقتصادي سکټور کمېتې د ا.ا.ا د صنعت او سوداګرۍ وزارت له معین قدرت الله جمال او ځینو نورو چارواکو سره مقدماتي ناسته وکړه.
یادې کمېټې د محترم مولوي نبي الله نیازي په مشرۍ د ۱۴۴۴ هـ.ق کال د رمضان المبارک میاشتې پر ۲۱ د صنعت او سوداګرۍ وزارت له معین قدرت الله جمال او ځینو نورو چارواکو سره ولیدل.
په دې مقدماتي ناسته کې د ا.ا.ا د مشرتابه د ۳۲ ګڼې فرمان په هکله چې د دغه لوی ریاست دندې او واکونه پکې روښانه شوي، په اړه د یاد وزارت مسوولانو ته بشپړ معلومات ورکړل شول.
د صنعت او سوداګرۍ وزارت معین د دې لوی ریاست له جوړېدو د خوښۍ څرګندولو تر څنګ ډاډ ورکړ، چې د فرمانونو او حکمونو د تعقیب او پلیتابه په برخه کې به هېڅ ډول همکاري ونه سپموي.
د دغو ناستو موخه د ا.ا.ا د مشرتابه د فرمانونو او احکامو تعقیب او څار بلل شوی، چې په مرکز او ولایتونو کې دا لړۍ په ډېرې چټکۍ روانه ده.
