د نظامي سکټور کمېټې غړو د کورنیو چارو وزارت د پاسپورټ له عمومي رییس سره غونډه وکړه
د فرمانونو او حکمونو د تعقیب او نظارت لوی ریاست د نظامي سکټور کمیټې غړو چې مشري یې مولوي نجیبالله انوري کوله، د کورنیو چارو وزارت د پاسپورټ ریاست له عمومي رییس پاسوال مولوي عبدالکریم حسیب سره تعارفي ناسته وکړه.
دا ناسته د ۱۴۴۴هـ.ق کال د شوال المکرم پر ۱۲ وشوه او پکې د یاد عمومي ریاست له رییس سره د ا.ا.ا مشرتابه ۳۲ ګڼې فرمان په تړاو اړین او هراړخیز معلومات شریک شول.
د ا.ا.ا مشرتابه ۳۲ ګڼه فرمان چې په دې وروستیو کې صادر شوی، د فرمانونو او حکمونو د تعقیب او نظارت لوی ریاست د دندو او واکونو په تړاو پکې معلومات وړاندې شوي دي.
د دې ناستې موخه د ا.ا.ا د مشرتابه د فرمانونو او حکمونو له پلیتابه ډاډ ترلاسه کول او په دې تړاو ټولو دولتي او غیردولتي ادارو ته معلومات ورکول دي.
بل خوا د پاسپورټ عمومي ریاست د فرمانونو او حکمونو لوی ریاست له جوړېدو خوښي څرګنده کړې او ډاډ یې ورکړی، چې د امیرالمومنین ټول فرمانونه او حکمونه به په ښه ډول عملي او په دې برخه کې به په هراړخیزه همکاري کوي.
