د «اداري مراسلاتو او اداري اصولو» په اړه درې ورځنی روزنیز پروګرام پای ته ورسېد
د ا.ا.ا د فرمانونو او حکمونو د تعقیب او نظارت لوی ریاست د مسلکي زدهکړو ریاست د دغې اداری ځینو کارکوونکو ته د «اداري مراسلاتو او اداري اصولو» تر سرلیک لاندې درې ورځنی سیمینار جوړ کړی و.
دا سیمینار چې درې ورځې یې دوام ورکړ، د ۱۴۴۶ هه.ق د رجب المرجب پر ۱۸ (۱۴۰۳ کال د سلواغې پر دویمه) پای ته ورسېد.
په دغه سیمینار کې د بېلابېلو ریاستونو د آمرینو په ګډون ګڼو کارکوونکو ګډون کړی و.
د نوموړي سیمینار موخه د کارکوونکو د وړتیا لوړول او له اداري مراسلاتو او اداري اصولو سره د هغوی لا بلدتیا ښودل شوې ده.
په یاد سیمینار کې ګډونوالو ته په اداري چارو کې د روڼتیا، مسوولیت منلو، نظم او انضباط، عدالت او اداري مکتوبونو کې د امانت دارۍ د ارزښت په ګډون بېلابېل موضوعات وړاندې شول.
د نوموړي سیمینار ګډونوالو د عملي زدهکړو سربېره ټولییز بحثونه هم وکړل او د اداري مراسلاتو او د مکتوبونو د مدیریت په تړاو یې خپلې تجربې له یو بل سره شریکې کړې.
ورته مهال، د دغه سیمینار په پای کې د د مسلکي زدهکړو ریاست محترم رییس الحاج شیخ عبدالمنان مدني د پروګرام د ګډونوالو له فعال ګډون څخه مننه وکړه او د دا ډول سیمینارونو جوړول یې د کارکوونکو وړتیا لوړولو کې مهم وبلل.
نوموړي ټينګار وکړ: «دا ډول پروګرامونه نه یوزاې د کارکوونکو فردي وړتیا ته وده ورکوي، بلکې د اداري خدماتو او د هېواد اداري نظام په پیاوړتیا کې هم مهمه ونډه لري.»
اخوا، د سیمینار ګډونوالو بیا دا ډول پروګرامونه د کارکوونکو ظرفیت لوړونې لپاره مهم یاد کړي او په دغه سیمینار کې یې له شته منځپانګې خوښي وښوده.
هغوی ژمنه وکړه چې په سیمینار کې وړاندې شوي موضوعات به د لا ښو خدماتو وړاندې کولو په موخه په خپلو اداري چارو کې وکاروي.
د نوموړي پروګرام په پای کې ګډونوالو ته تصدیق لیکونه هم وویشل شول.
د یادونې ده چې د فرمانونو او حکمونو د تعقیب او نظارت لوی ریاست د مسلکي زدهکړو ریاست د دغې ادارې کارکوونکو ته د دا ډول سیمینارونو او پروګرامونو جوړول په لومړیتوب کې راوستي او هڅه کوي چې د لا ښو خدماتو وړاندې کولو په موخه یې مسلکي وړتیاوې لوړې کړي.
