د اداري فساد تورن ته د تېښتې د لارې د برابرولو په تور د درېیو څارنوالانو د دندو ځنډېدل
د کابل د سویل زون استیناف څارنوالۍ ریاست د تحقیق پخواني آمر سره په تېښته کې د همکارۍ په تور د درېیو څارنوالانو په تړاو قانوني تصمیم ونیول شو.
په دغو کسانو کې یو تن د کابل شمال زون استیناف څارنوالۍ ریاست څارنوال او بل چې د اقتصاد وزارت کارکوونکی دی، تر توقیف لاندې دي او درېیم مظنون چې د لویې څارنوالان کارکوونکی دی، دنده يې ځنډېدلې.
د یادونې وړ ده، چې په دې قضیه کې د کابل د یوه خصوصي روغتون لابراتوار چې ناسم معلومات یې د عامه روغتیا وزارت په همغږۍ وړاندې کړي و، هم تړل شوی دی.
د مظنونانو او په اداري فساد تورن قضیه د کنټرول او مرقبت څارنوالۍ تر بررسي لاندې ده. لویه څارنوالي یو ځل بیا ټینګار کوي، چې دا اداره د اداري فساد د مرتکبانو او د هېواد د نافذه قوانینو د ناقضانو په تړاو هېڅ ډول نرمي نه لري.
