د اداري فساد د لویو جرمونو پر ضد د مبارزې څارنوالۍ عمومي ریاست د دوو څارنوالانو دندې وځنډېدې
د کنټرول او مراقبت څارنوالۍ عمومي ریاست ته د لېږل شویو اطلاعاتو او د لومړنیو ارزونو له مخې، د اداري فساد د لویو جرمونو پر ضد د مبارزې څارنوالۍ عمومي ریاست د دوو څارنوالانو دندې ځنډېدلې دي. دا څارنوالان په اداري فساد تورن دي او د څېړنو او عدلي تعقیب لپاره اړوندو څارنوالیو ته معرفي شوي دي.
لویه څارنوالي د اداري فساد پر ضد مبارزې ته ژمنه او په هره کچه د اداري فساد له مرتکبینو سره به پرېکنده چلن کوي.
د لویې څارنوالۍ مشرتابه کورني اصلاحات او له اداري فساد سره مبارزه خپل کاري لومړیتوب ګڼي او دغې ادارې د متضررینو او اطلاع ورکوونکو د شکایتونو د ثبت ۱۸۰ ځانګړې شمېره فعاله کړې ده.
