د امر باالمعروف او نهی عنالمنکر قانون د تشریح په تړاو ناسته جوړه شوه
د ا.ا.ا د امر باالمعروف، نهی عنالمنکر او شکایتونو اورېدلو وزارت د فرمانونو او حکمونو د تعقیب او نظارت لوی ریاست کارکوونکو ته د دغه وزارت قانون د تشریح په اړه ناسته جوړه کړې وه.
دا ناسته د ۱۴۴۶ه ق کال د ربیعالثاني پر ۳۰ چې د ۱۴۰۳ کال د لړم له ۱۲ سره برابره ده، د فرمانونو او حکمونو د تعقیب او نظارت لوی ریاست د غونډو په تالار کې جوړه شوې وه.
په دې ناسته کې د امر باالمعروف، نهی عنالمنکر او شکایتونو اورېدلو وزارت نظامي معین، د فرمانونو او حکمونو د تعقیب او نظارت لوی ریاست د بېلابېلو برخو مرستیالانو، د دعوت او ارشاد ریاست مسوولانو، رئیسانو، د رئیسانو مرستیالانو، آمرینو او کارکوونکو ګډون کړی و.
ناسته د قاري ذبیحالله حقجو له خوا د څو مبارکو آیتونو په تلاوت پېل شوه او وروسته د امر باالمعروف، نهی عنالمنکر او شکایتونو اورېدلو وزارت د نظامي مرستیال ښاغلي شیخ خلیفه سعیداحمد شهیدخیل په وینا پېل شوه.
نوموړي د امر باالمعروف او نهی عنالمنکر قانون تفسیر او تشریح کړ او د دغه قانون د پلي کولو پر څرنګوالي یې رڼا واچوله.
یاده دې وي چې د ناستې په پېل کې پر ګډونوالو د نوموړي وزارت د محترم معینیت له خوا د امر باالمعروف، نهی عنالمنکر قانون رسمي جریده ووېشل شوه.
یاده ناسته د فرمانونو او حکمونو د تعقیب او نظارت لوی ریاست د تفتیش مرستیال ښاغلي مولوي محمد محسن هاشمي په وینا پای ته ورسېده.
