د تحریر پلاوي پرله پسې غونډه ترسره شوه
لويې څارنوالۍ د اطلاعاتو او عامه اړیکو په همغږۍ د تحریر پلاوي غونډه نن د غبرګولي پر ۲۸مه ترسره کړه. په دغه غونډه کې په مقالو کې د سرچینې لیکنې پر ډول بحث وشو، چې له مخې به يې سرچینې په لمنلیک او د الفبا په ترتیب د مقالې په پای کې لیکل کېږی.
د تحریر پلاوي غړیو زیاته کړه، چې په «څارنوال مجله» کې دې د مصاحبې لپاره پوښتنې مخکې تر مخکې ترتیب او له مصاحبه کېدونکې دې وپوښتل شي.
د تحریر پلاوي غړیو وویل: «په څارنوال مجلې کې باید د شعر او ادب او د افغانستان قوانینو لپاره هم ځانګړې پاڼې مشخصې شي او همداراز په دغه مجله کې دې پر مقالو سربېره د لويې څارنوالۍ غړيو سره هم مصاحبه وشي.»
د یادونې وړ ده، چې د تحریر پلاوي غونډه په هره دوه اونیو کې یو ځل په لویه څارنوالۍ کې دایرېږي.
