د راپور او پلان جوړونې روزنیز پروګرام پيل شو
د لويې څارنوالۍ د بشري سرچینو د پراختیا عمومي ریاست، د ظرفیت لوړونې آمریت د دغې ادارې د آمرانو لپاره د راپور او پلان جوړونې روزنیز پرورګرام د ۱۳۹۷ کال د غويي پر لسمه پيل کړ.
په دغه پروګرام کې به هغو آمرانو ته چې د CBR پروسې له لارې په دغه اداره کې په دنده ګومارل شوي، روزنه ورکړل شي.
په نوموړي پروګرام کې یو تن ګډونوال عبدالصمد اندړ دا ډول پروګرامونه د دفتري کارونو په ښه ترسراوي کې خورا ګټور وبلل.
ښاغلي اندړ زیاته کړه: «د دغه روزنیز پروګرام په مرسته موږ وکولای شول، چې په عملي ډول پلان جوړونه او همداراز راپور جوړونه زده کړو.»
د یادونې وړ ده، چې د راپور او پلان جوړونې دا روزنیز پروګرام به دوه ورځې دوام وکړي.
