د عالي شورا شپږمه ناسته جوړه شوه
د فرمانونو او حکمونو د تعقیب او نظارت لوی ریاست د عالي شورا شپږمه غونډه د دغې ادارې د سرپرست محترم مولوي شمس الدین شریعتي په مشرۍ جوړه شوه.
د عالي شورا په دې غونډه کې په ملکي او مالي او اداري چارو کې د فرمانونو او حکمونو د تعقیب او نظارت لوی ریاست مرستیالانو او د دغې ادارې رییسانو ګډون کړی و.
دا غونډه د ۱۴۴۵ هجري قمري کال د شعبان المعظم پر ۱۳ چې د ۱۴۰۲ کال د کب میاشتې له پنځمې سره برابره ده، د فرمانونو او حکمونو د تعقیب او نظارت لوی ریاست د دارالامان ودانۍ د عالي شورا د غونډو په تالار کې جوړه شوه.
یاده غونډه د قرآنکریم په تلاوت پېل شوه.
په دې غونډه کې د فرمانونو او حکمونو د تعقیب او نظارت لوی ریاست سرپرست محترم مولوي شمس الدین شریعتي په خپلو مقدماتي خبرو کې د امارتي اداراتو ترمنځ پر همغږۍ ټينګار وکړ او اړوندو برخو ته یې هدایت ورکړ څو خپلې دندې د نافذه قانون له مخې پرمخ یوسي.
وروسته د اجنډا له مخې، د دغې ادارې نظارتي قراررونو فارمټ او د صورت دعوی فارمټ باندې هر اړخیز بحث وشو او لازمې پرېکړې وشوې.
د عالي شورا غړو له ارزونې او دقیق غور وروسته، د نظارتي قراررونو فارمټ او د صورت دعوی فارمټ په پرنسيپ کې تایید کړ او دا یې د ناظرانو ترمنځ د واحدې رویې په رامنځته کولو کې مهم وبلل.
د عالي شورا غونډه د خیر په دعا پای ته ورسېده.
