د عامه پوهاوي پیاوړتیا لپاره باید د لوی څارنوالۍ عملی پروګرام پېل شي
د عامه پوهاوي د پیاوړتیا پروګرام د لوی څارنوالي په غونډه کې وړاندیز شو. دا غونډه د شنبې په ورځ د وری د میاشتې په ۲۴ مه نیټه د مالی او اداری مرستیال وحید الدین ارغون په مشرۍ جوړه شوه. په دې غونډه کې د مخابراتو او عامه اړیکو مشر، د نړیوالو چارو سلاکار، د لوی څارنوالۍ ویاند او د عدلي مرکز، د مطبوعاتي دفتر، او د نشه یي توکو په وړاندې د مبارزې مشر هم ګډون کړی وو.
د لوی څارنوالۍ مالی او اداری مرستیال وحید الدین ارغون، د مخابراتو او عامه اړیکو د ریاست د کار په کیفیت ټینګار وکړ. د نوموړي په باور، د عامه پوهاوي د پروګرام پیاوړتیا او خپرونو لپاره باید د موجوده سهولتونو څخه ګټه واخیستل شي.
له بل لوري، یو له وړاندیزونو څخه چې په دې غونډه کې پرې بحث وشو د مخابراتو او عامه اړیکو د ریاست د ودې لپاره نوموړې ریاست ته د لومړي بست ورکونه وه. د دې وړاندیز پر اساس، د ویاند بست به د مخابراتو او عامه اړیکو په ریاست کې شامل شي. د کار حدود په دواړه بستونو کې په جلا ډول ذکر او د قانوني پروسې لپاره اداري اصلاحاتو او ملکي خدمتونو خپلواک کمیسیون ته ولیږدول شوي.
که څه هم د ویاند بست د لوی څارنوالي په جوړښت کې شتون نلري. د دې ادارې ویاند په خدمتي ډول دنده ترسره کوي.
د پوهاوي د لوړولو د بهیر لپاره د سټوډیو جوړونه، یو بل وړاندیز وو چې په دې غونډه کې ځینې یادونه وشوه. د لوی څارنوالي ویاند، جمشید رسولی په باور د سټوډیو شتون په لوی څارنوالي کې، د عامه پوهاوي د ښه والي په برخه کې مرسته کوي. لکه څنګه چې، د وړاندیزونو په برخه کې په دي وړاندیز هم ټینګار وشو چې په هر ولایت کې د بریښنایی پتي جوړونه ضروري ده او د ضرورت په وخت کې د مرکزي ادارې سره د معلوماتو د شریکولو په برخه کې مرسته کوي.
