د فرمانونو او حکمونو د تعقيب او نظارت د لوی رياست قانون د تشريح دوه ورځنی سيمينار پای ته ورسېد
حکمونو د تعقيب او نظارت د لوی رياست د دندو او واکونو قانون د تشريح دوه ورځنی سيمينار ختم شو.
دغه دوه ورځنی سيمينار د ملکي خدمتونو انستیتیوت د غونډو په تالار کې نن يکشنبه د ۱۴۴۴ هـ.ق د رمضان مبارکې میاشتې پر ۱۸ د خیر په دعا پای ته ورسېد.
په دې سيمينار کې د فرمانونو او حکمونو د تعقيب او نظارت لوی رييس مولوي شمسالدين شريعتي او د دغه رياست د مرستيال په ګډون مرکزي او ولايتي مسوولانو ګډون کړی و.
د دغه سيمنار موخه د فرمانونو او حکمونو د تعقيب او نظارت لوی رياست د دندو او واکونو له قانون څخه د ګډونوالو پوهاوی بلل شوی دی.
په دې سيمنار کې د فرمانونو او حکمونو د تعقيب او نظارت د لوی رياست د دندو او واکونو قانون چې په ۲۸ مادو کې د ا.ا.ا اميرالمومنين حفظه الله له خوا توشيح شوی، ګډونوالو ته يې په اړه هراړخيز پوهاوی ورکړل شو.
په غونډه کې ګډونوالو ژمنه وکړه، چې په پوره همغږۍ او همکارۍ به د دغه قانون ټول موارد په سمه توګه پلي کړي.
ياده دې وي، چې په دې سيمينار کې د دغه قانون د مواردو په اړه د ګډونوالو پوښتنو ته هم تفصيلي ځوابونه ورکړل شول.
