د فرمانونو او حکمونو د تعقیب او نظارت لوی ریاست د تکنالوژۍ رییس د مالیې وزارت د تکنالوژۍ له رییس سره غونډه وکړه
د فرمانونو او حکمونو د تعقیب او نظارت لوی ریاست د معلوماتي تکنالوژۍ رییس محمدادریس احساس د مالیې وزارت د تکنالوژۍ رییس سیدبشیر سادات سره ولیدل.
دا غونډه سه شنبه د شوال المکرم پر ۲۶ د فرمانونو او حکمونو د تعقیب او نظارت لوی ریاست د معلوماتي تکنالوژۍ ریاست په دفتر کې وشوه.
د دغې ناستې موخه د دغو دواړو ریاستونو ترمنځ همغږي او په معلوماتي تکنالوژۍ کې د دواړو ریاستونو ترمنځ د تجربو شریکول ښوول شوي دي.
په دې غونډه کې د معلوماتي تکنالوژۍ په برخه کې دواړو ریاستونو له یو بل سره د همکارۍ ژمنه وکړه.
د دواړو ریاستونو مسوولانو ټينګار وکړ، چې په راتلونکي کې به هم د تکنالوژۍ په برخه کې تجربې شریکوي او له یو بل سره به د همکارۍ په موخه ناستې کوي.
ورته مهال د مالیې وزارت د تکنالوژۍ رییس د فرمانونو او حکمونو د تعقیب او نظارت لوی ریاست د معلوماتي تکنالوژۍ ریاست د «سرور روم» لیدنه هم وکړه.
