د قضیو د ثبت د مدیریت سیسټم روزنیز پروګرام جوړ شو

دا پروګرام د بلخ، سرپل، میدان وردګ، خوست، بغلان، هرات او دایکندي اسیتناف څارنوالیو د قضیو د ثبت مدیریت سیسټم عمومي مدیرانو ته د ۱۳۹۹ لمریز کال د سنبلې پر ۲۹ جوړ شو.

دا پروګرام چې شپږ ورځې به دوام وکړي، د لویې څارنوالۍ د بشري سرچینو د پراختیا عمومي ریاست د زده کړو او ظرفیت لوړاوي آمریت له خوا د عدلي سکتور د ملاتړ پروګرام (JSSP) په مرسته د لویې څارنوالۍ د دارالامان ودانۍ په کتابتون کې دایر شو.

په دغه پروګرام کې د قضیو د ثبت مدیریت سیسټم (CMS) برسېره د اجرااتو اروزنه، د اداري اجرااتو قانون، د بویجې مدیریت او د مسلکي سلوک په اړه هم ګډونوالو ته روزنه ورکړل شوه.

د یادونې وړ ده، چې څه موده مخکې هم د زده کړو او ظرفیت لوړاوي آمریت د مرکز ریاستونو او د کندهار، کندوز، بدخشان، تخار، جوزجان، سمنګان، فاریاب، نیمروز، لوګر، لغمان، کونړ، کاپيسا، غور، پنجشېر، پکتیکا، بامیان، ارزګان، ننګرهار، بادغیس، غزني، پکتیا، هلمند، نورستان، فراه او زابل اسیتناف څارنوالیو ریاستونو د قضیو د ثبت د مدیریت ۲۵ کارکوونکو  ته هم ورته روزنیز پروګرام جوړ کړی و.