د لويې څارنوالۍ عسکري مرستیالۍ ۴۵۴ جنايي قضیو ته رسېدنه کړې
لویې څارنوالۍ د عسکري مرستیالۍ له لارې د ۱۴۰۰ مالي کال په دویمه ربع کې ۴۵۴ جنايي قضيې ثبت او رسیدګي ورته کړې ده.
په دغو قضیو کې ۲۲ قضيې د قتل، ۱۲ د غلا، دوه د اخلاقي جرمونو، څلور د نشه يي توکو، پنځه د ترافیکي جرمونو، اووه د اداري فساد او همداراز ۴۰۲ قضيې د نورو جرایمو په تړاو ثبت او رسېدنه ورته شوې ده.
له دې ډلې د ۱۸۸ قضیو محاکماتي پړاوونه بشپړ شوي او تورن يې په نقدي جزا او حبس محکوم شوي دي او همداراز ۱۸ مورده د الزام د کافي دلایلو د نشتوالي له کبله حفظ او ۲۶۲ مورده هم اړوندو مراجعو ته لېږل شوي دي.
یادو شویو قضیو ته د رسیدګۍ له درکه ۱۸۷ زره او ۲۶۵ افغانۍ نقدي جزا د دغې مرستیالۍ له خوا تثبیت او د دولت بانکي حساب ته لېږل شوې ده.
د لویې څارنوالۍ عسکري مرستیالي وايي، تر ټولو ډېرې قضيې په کابل، ننګرهار او کندهار کې ثبت شوې دي.
